ភ្នំពេញ : នាព្រឹកថ្ងៃទី ២៤ ខែ មិថុនា ឆ្នាំ ២០១៤ នៅនាយកដ្ឋានការពារហេដ្ឋារចនាសម្ព័ន្ធ នៃលេខាធិការដ្ឋាន គ.ជ.ប.ភ ទីតាំងនៅជាប់មូលដ្ឋានទ័ពអាកាស មាន បើកកិច្ចប្រជុំផ្ទៃក្នុងប្រចាំខែមួយ ក្រោមអធិបតីភាព លោក ស សិរីវិចិត្រ ប្រធាននាយកដ្ឋានការពារហេដ្ឋារចនាសម្ព័ន្ធ និងមានការចូលរួមពីអស់លោកជា អនុប្រធាននាយកដ្ឋាន ប្រធាន.អនុប្រធាន ការិយាល័យ និងមន្រ្តីនៃនាយកដ្ឋានទាំងអស់។ ជាកិច្ចចាប់ផ្តើម លោកប្រធាននាយកដ្ឋានបានស្វាគមន៏ និងផ្តល់លទ្ធភាពជូនការិយាល័យនិមួយៗ រាយការណ៏លទ្ធផលការងារក្នុងខែ ជូនអង្គប្រជុំ។ ក្នុងនោះ លោកប្រធានការិយាល័យការពារហេដ្ឋារចនាសម្ព័ន្ធទី១ ទី២ ទី៣ និងការិយាល័យសមយុទ្ធបានរាយការណ៏អំពីការងារ សរសរសេនារីយ៉ូ បានបញ្ចប់ រួចរាល់ និងបានធ្វើបទបង្ហាញបានចំនួន ២ក្រុមរួចមកហើយ។ លើសពីនេះទៅទៀត ប្រធានការិយាល័យ ការពារហេដ្ឋារចនាសម្ព័ន្ធទី១ ទី២ បានលើកជាសំណើរសុំនូវកម្លាំងបំពេញបន្ថែម តាមការិយាល័យរបស់ខ្លួន ជូនថ្នាក់ដឹកនាំនាយកដ្ឋានពិនិត្យ និងដោះស្រាយផងដែរ។ ក្រោយពីបានបញ្ចប់ការរាយការណ៏ សកម្មភាពការងារកន្លងមក លោកប្រធានការិយាល័យការពាហេដ្ឋា រចនាសម្ព័ន្ធទី២ និងលោកអនុប្រធានការិយាល័យការពារហេដ្ឋារចនាសម្ព័ន្ធទី៣ បានធ្វើបទ បង្ហាញលើកិច្ចការសរសេរសេនារីយ៉ូសមយុទ្ធបន្ត។ បន្ទាប់ពីកិច្ចបានធ្វើបទបង្ហាញចប់របស់ការិយាល័យទាំងពីរ លោកប្រធាននាយកដ្ឋានបានអនុញ្ញាតអោយតំណាងការិយាល័យទាំងអស់ ផ្តល់ជាយោបល់កែលម្អ លើបទបង្ហាញខាងលើដែលបានចូលរួមសរសេរសេនារីយ៉ូសមយុទ្ធ។ ក្រោយបញ្ចប់ការកែលម្អបទបទបង្ហាញ លោក ប្រធាននាយកដ្ឋានបានជូនដំណឹងដែលបានទទួលពីថ្នាក់ដឹកនាំ អំពីការត្រៀមបញ្ជ្រាបខ្លួនចូលក្នុងអាកាសចរណ៏ស៊ីវិលអន្តរជាតិ ដែលលេខាធិការដ្ឋាន គជបភ ជាអនុប្រធានហើយ នាយកដ្ឋានការពារហេដ្ឋារចនាសម្ព័ន្ធជាសមាជិក។ ស្របគ្នានេះដែរ លោក ឈុន សុជាតិ អនុ ប្រធាននាយដ្ឋានការពារហេដ្ឋារចនាសម្ព័ន្ធ បានជូនជាយោបល់ដល់អង្គប្រជុំ អំពីកិច្ចការនេះដោយបញ្ជាក់ថាការងារនេះជាការងារដ៏ធំធេងមួយ ដែលយើងគួរពិចារណាថាតើយើងបានធ្វើអ្វីខ្លះ និងបានត្រៀមអ្វីខ្លះសម្រាប់ការបញ្ជ្រាបខ្លួនចូលក្នុងការងារទាំងនេះហើយឬនៅ? និងជូនយោបល់ជូន លោកប្រធាននាយដ្ឋាន ដើម្បីឲ្យការិយាល័យទាំងអស់សិក្សាស្រាវជ្រាវបញ្ហាដែលពាក់ព័ន្ធការងារភេរវកម្មក៏ដូចជាភេរវករផងដែរ។ ចុងបញ្ចប់លោកប្រធាននាយកដ្ឋាន បានគាំទ្រ គំនិតក្នុងការបង្កើតក្រុមការងារស្រាវជ្រាវ ប៉ុន្តែត្រូវចាប់ផ្តើមបន្ទាប់ពីបញ្ចប់ការងារសេនារីយ៉ូនេះជាស្ថាពរសិន។ ចំពោះសំណើរសុំកម្លាំងបន្ថែម លោកប្រធាននាយកដ្ឋាន សុំឲ្យតាមការិយាល័យនីមួយៗពិចារណាឡើងវិញសិនថាតើយើងបានប្រើប្រាស់កម្លាំងដែលមានស្រាប់ អស់លទ្ធភាពហើយឬនៅមុននឹងធ្វើការស្នើកម្លាំងបន្ថែម។ កិច្ចប្រជុំបានបញ្ចប់ទៅនៅវេលាម៉ោង ១១ និង១៥នាទីព្រឹក ក្រោមបរិយាកាសរីករាយ និងស្និទ្ធស្នាលបំផុត។