លគជបភ និង​សហរដ្ឋអា​មេ​រិក បើក​វគ្គ​បណ្តុះ​បណ្តាល​ ស្តី​អំ​ពី​ “ការគ្រប់​គ្រង​ព័ត៌​មាន​ក្នុង​ពេល​មាន​វិបត្តិ​”

0

ភ្នំពេញ៖ វគ្គ​សិក្សា​រយៈ​ពេល​ខ្លី​ក្រោម​ប្រធាន​បទ​ “ការ​គ្រប់​គ្រង​ព័ត៌​មាន​ក្នុង​ពេល​មាន​វិប​ត្តិ​ (Crisis​ Info​r​m​a​t​i​o​n​ ​M​a​n​a​g​e​m​e​n​t​ ​P​r​o​g​r​a​m​ ​o​f​ ​I​n​s​t​r​u​c​t​i​o​n​)​ ​ក្រោម​កិច្ច​ស​ហ​កា​រ​រ​វាង​ ​ល​គ​ជ​​ប​ភ​ ​​និ​ង​ស្ថា​នទូ​ត​សហ​រដ្ឋអា​មេរិ​ក​ រ​យៈ​ពេ​ល​​៣ថ្ងៃ ចាប់​ពីថ្ងៃ​ទី២​៥ ​ដ​ល់​ថ្ងៃទី​២៧​ ខែមិ​ថុនា​ ​ឆ្នាំ២​០​១​៤​ ​នៅ​ល​​គ​ជ​ប​ភ​​ ទី​តាំងទ័​ព​អា​កា​ស​។​            នៅក្នុ​ង​វ​គ្​គ​សិ​ក្សា​នោះ​មា​ន​កា​រ​​អ​ញ្ជើញចូ​ល​រួ​ម​ពី​ប​ណ្តា​ស្ថាប័ន​ពាក់​ព័ន្ធ​មួយ​ចំនួ​ន​ដូ​ច​ជា​៖ នា​យ​ក​ដ្ឋាន​ចំណុះ ​ល​គ​ជ​ប​ភ​ ​ប​ញ្ជា​ការ​ដ្ឋាន​ជាតិ​កម្លាំង​ពិសេស​ប្រឆាំង​ភេរវកម្ម ​ក្រសួង​ព័ត៌​មាន​ ក្រសួង​សុខា​ភិ​បាល​ និង​អាជ្ញា​ធរ​ជាតិគ្រប់​គ្រង​គ្រោះ​មហន្ត​រាយ។ ​ ​ ​ ​ ​ ​ ​ ​ ​ ​ នា​ឱកាស​បើ​ក​វគ្គបណ្តុះ​បណ្តាល​នោះ ឯ​​ក​ឧ​ត្តម អ៊ឹង ​អៀង តំណាង​ឯកឧត្តម​ទេស​រដ្ឋ​មន្ត្រី ​ឱម ​យ៉ិន​ទៀង ​និង​ជា​សមា​ជិក​ ល​គ​ជ​ប​ភ បាន​សម្តែង​នូវ​ការ​ស្វាគមន៍​ចំពោះ​លោក​​ លោក​ស្រី​ដែល​ជា​គ្រូ​ឧទ្ទេស​នាមទាំ​ងអ​ស់​​ ដែល​បាន​អញ្ចើញ​មក​ពី​សហរដ្ឋអាមេរិក​ ដើម្បី​ចែ​ក​រំលែក​ចំណេះ​ដឹង​ និង​បទ​ពិ​សោធន៍​​ដល់​​មន្ត្រី​កម្ពុជា​ ហើយ​ក៏​សូ​មថ្លែង​អំណរ​គុណ​យ៉ា​ង​ជ្រាល​ជ្រៅ​បំផុត​ចំពោះ​សហរដ្ឋ​អា​មេ​រិក​​ ដែល​តែង​តែ​ផ្តល់​ជំនួយ​ដល់​កម្ពុជា​ទាំង​សម្ភារៈ​ និង​ធន​ធាន​មនុស្ស ​ជាពិសេសគឺ​ ល​គជ​ប​ភ​ ​តែ​ម្តង ហើយ​ឯកឧត្តម​ក៏​សង្ឃឹម​ផង​ដែរ​ថា អាមេរិក​នៅ​តែ​បន្ត​ជួយ​បន្ថែម​ទៀត​ដល់​កម្ពុជា​។ ឯក​ឧត្តម​បន្ត​ទៀត​ថា​​ ព័ត៌​មាន​គឺ​ជា​ធាតុ​ដ៏​សំ​ខាន់​មិន​អាច​ខ្វះ​បាន​សម្រាប់​យើង​ទាំង​អស់​គ្នា​ ជាពិសេស​គឺ​សម្រាប់​ការ​រស់​នៅ​ប្រចាំ​ថ្ងៃ​តែ​ម្តង​ កាល​ណា​យើង​មាន​តួ​នា​ទី​កាន់​តែ​សំខាន់​ក្នុង​សង្គម​​ព័ត៌​មាន​ក៏​ជា​ធាតុ​ដ៏​​សំខាន់​ផង​ដែរ​សម្រាប់​យើង​។ ដូច្នេះ​ហើយ​ការ​ចែក​រំលែក​ព័ត៌មាន​ពីស្ថាប័ន​មួយ​រ​បស់​រដ្ឋាភិបាល ​ឬ​ឯក​ជន​ ទៅ​ដល់​សាធារណៈ​ជន​គឺ​មាន​សារៈ​សំខាន់​ណាស់​ ប៉ុន្តែ​វា​ក៏​ជា​អាវុធ​មុ​ខពីរ​ផង​ដែរ​ ដែល​វា​អាច​បង្ករ​ឲ្យ​មាន​ភាព​ចលា​ច័ល​ វ៉ឹក​វរ​ បាន​យ៉ាង​លឿន​ ប្រសិន​បើ​យើង​គ្រប់​គ្រង​វាមិន​បាន​ល្អ។ សម្រាប់​វគ្គ​សិក្សា​នេះ​គឺ​មាន​សារៈ​សំខាន់​ខ្លាំង​ណាស់​សម្រាប់​យើង​ទាំង​អស់​គ្នា​ ក្នុង​ការ​គ្រប់​គ្រង​ព័ត៌មាន​ រៀប​ចំ​យុទ្ធ​សាស្រ្ត​នៃ​ការ​បញ្ជូន​ព័ត៌​មា​ន​ទៅ​កាន់​ប្រជា​ពលរដ្ឋ​ប្រកប​ដោយ​ប្រសិទ្ធិភាព និងមាន​ប្រយោជន៍ និង​ការរៀប​ចំផែនការនៃ​ការ​ចែក​រំលែក​ព័ត៌មាន​។ ជា​ចុ​ង​ក្រោយ​​ឯ​ក​ឧ​​ត្តម​ក៏បាន​ផ្តាំ​ផ្ញើដ​ល់សិ​ក្ខាកា​មទាំង​អ​ស់​ ឲ្យ​ខិតខំ​ប្រឹងប្រែ​ង​ក្នុង​ការ​សិក្សា ​និងទ​ទួ​លយ​កប​ទ​ពិសោ​ធន៍ល្អ​ៗពីលោ​កគ្រូ​ អ្ន​កគ្រូ​ សំដៅ​យ៉ាងណា​ងយ​កចំណេះ​ដឹង​ទាំងអស់​នេះទៅ​បម្រើស្ថាប័ន​របស់ខ្លួន​វិញ។​ ​ចំ​ណែ​កលោ​កស្រី ​Rox​a​n​n​e​ ដែល​ជា​តំ​ណា​ង​​ភា​គី​ស​ហរដ្ឋ​អាមេរិក​ក៏បាន​សម្តែង​នូវភា​ពសប្បាយ​រីករាយ​ក្នុង​ការចូល​រួម​ចំណែក​បើក​វគ្គ​បណ្តុះ​ណ្តាលនេះ​ ​ហើយលោ​កស្រី​ និងក្រុម​ការងា​រនឹង​ខិតខំ​ប្រឹង​ប្រែង​ឲ្យអ​ស់ពីល​ទ្ធភា​ពក្នុង​ការចែក​រំលែក​បទ​ពិ​សោធន៍​ ជូន​ដល់​សិក្ខា​មទាំងអ​ស់ ហើយ​លោកស្រី​សង្ឃឹម​យ៉ាងមុត​មាំថា ​វ​គ្គនេះ​គឺពិត​ជាផ្ត​ល់អត្ថប្​រយោ​ជន៍​ និង​ជួយជ​ម្រុញ​ការងារប្រ​កបដោយ​ប្រសិទ្ធិ​ភាព​ដល់​កម្ពុជា​ក្នុង​ការ ​គ្រប់​គ្រង​ និង​ចែករំលែក​ព័ត៌មា​នទៅដ​ល់​សា​ធា​រ​ណៈ​ជន​។ សូម​បញ្ជាក់​ផងដែរ​ថា​ ​ក្នុងវគ្គ​បណ្តាលនេះ​ក៏មា​នកា​រ​ចូល​រួមធ្វើ​បទបង្ហាញ​ពីសំណាក់​លោក ​Se​a​n​ ​J​.​ ​M​c​I​n​t​o​​sh​ ជាអ្នក​នាំ​ពាក្យ​ស្ថាន​ទូត​សហរដ្ឋ​អាមេរិក​ប្រចាំ​នៅ​កម្ពុជា​។   001 11 10 06 07 05 04 03 01