ភ្នំពេញ៖ នាថ្ងៃទី១៣ ខែសីហា ឆ្នាំ២០១៤ នេះនាយកដ្ឋានព័ត៌មានបច្ចេកវិទ្យា នៃលេខាធិការដ្ឋាន គ.ជ.ប.ភ បានបើកការប្រជុំផ្ទៃក្នុងរបស់ខ្លួនក្រោមការដឹកនាំផ្ទាល់របស់ លោក ប៉ឹល ច័ន្ទវីរៈ ជាប្រធាននាយកដ្ឋានព័ត៌មានបច្ចេកវិទ្យា និងដោយមានការចូលរួមពីលោកអនុប្រធាននាយកដ្ឋាន មន្ត្រីជំនាញទទួលខុសត្រូវការិយាល័យចំណុះទាំង៤ ព្រមទាំងមន្ត្រីដែលជាសមាជិកជាច្រើនរូបទៀត នៅ ល.គ.ជ.ប.ភ ទីតាំងទ័ពអាកាស នាវេលាម៉ោង ០៩:០០នាទីព្រឹក រហូតដល់ម៉ោង១០:០០នាទីព្រឹកទើបបញ្ចប់។
ក្នុងកិច្ចប្រជុំនេះផ្តោតទៅលើប្រធានបទសំខាន់ៗដូចខាងក្រោម៖
១-ការពង្រឹងសមត្ថភាពអំពីការងាររបស់មន្ត្រីជំនាញ
២-ការងារមួយចំនួនដែលមិនទាន់បានបញ្ចប់ ត្រូវបញ្ចប់នៅចុងខែសីហានេះ
៣-ការតាមដានរាល់លិខិតចេញចូលទាក់ទងនិងរចនាសម្ព័ន្ធ
ក្នុងកិច្ចប្រជុំនោះបន្ទាប់ពីបានធ្វើបទបង្ហាញរបស់លោកប្រធាននាយកដ្ឋានព័ត៌មានបច្ចេកវិទ្យាស្តីអំពីលិខិតចេញចូលទាក់ទងនិងរចនាសម្ព័ន្ធរបស់មន្ត្រី នៃលេខាធិការដ្ឋាន គ.ជ.ប.ភ លោកក៏បានផ្តល់ជាអនុសាសន៏ណែនាំមួយចំនួនដល់មន្ត្រីជំនាញដែលចូលរួម និងផ្តល់ដំណោះស្រាយអំពីការងារមួយចំនួនដែលកំពុងជួបភាពអសកម្ម ព្រមទាំងស្នើសុំឲ្យថ្នាក់ដឹកនាំការិយាល័យទាំងអស់បន្តការខិតខំប្រឹងប្រែងអនុវត្តការងារបន្ថែមទៀតសំដៅយ៉ាងណាសម្រេចឲ្យបាននូវរាល់ផែនការដែលបានកំណត់ត្រូវបញ្ចប់ឲ្យអស់នៅចុងខែសីហានេះ ។ កិច្ចប្រជុំនេះបានបញ្ចប់ក្រោមបរិយាកាសរីករាយ និងស្និទ្ធស្នាលក្រៃលែង៕
