ភ្នំពេញ៖ នាថ្ងៃទី១៨ ខែសីហា ឆ្នាំ២០១៤ វេលាម៉ោង 8:00 នាទីព្រឹកនេះលេខាធិការដ្ឋានគណៈកម្មាធិការជាតិប្រឆាំងភេរវកម្មបានបើកវគ្គហ្វឹកហ្វឺនសៀវភៅផែនការជាតិប្រឆាំងភេរវកម្ម។វគ្គសិក្សានេះមានរយៈពេល៣ខែចាប់ពីថ្ងៃទី១៨ ខែសីហា ឆ្នាំ២០១៤ ដល់ថ្ងៃទី១៨ ខែវិច្ឆិកា ឆ្នាំ២០១៤ នៅ ល.គ.ជ.ប.ភ ទីតាំងទ័ព្ទអាកាសបង្រៀនដោយឯកឧត្តមឧត្តមសេនីយ៍ឯក គឹម នាង សមាជិក ល.គ.ជ.ប.ភ និងសិក្ខាកាមចូលរួមមានប្រធាននាយកដ្ឋាន និងមន្ត្រីនៃនាយកដ្ឋានការពារហេដ្ឋារចនាសម្ព័ន្ធទាំងអស់ និងសិក្ខាកាមមួយចំនួនទៀតជាមន្ត្រីមកពីនាយកដ្ឋាននានាដែលចំណុះឲ្យលេខាធិការដ្ឋាន គ.ជ.ប.ភ។វគ្គសិក្សានេះមានគោលបំណងដើម្បីបំប៉នសមត្ថភាពមន្ត្រីចាស់ និងថ្មីឲ្យបានយល់ច្បាស់ពីភារកិច្ចក្នុងការប្រឆាំងភេរវកម្ម និងចេះបំពេញការងារដែលមន្ត្រីទាំងនោះត្រូវអនុវត្តន៍នៅពេលមានឧបទ្ទវហេតុភេរវកម្មកើតឡើង ហើយផងដែរ វគ្គហ្វឹកហ្វឺននេះផ្តោតសំខាន់ទៅលើការពង្រឹងសម្ថតភាពថ្នាក់ជាតិ ដើម្បីដើរតួនាទីឲ្យបានត្រឹមត្រូវ ដឹកនាំកិច្ចសម្របសម្រួល និងចាត់ចែងការងារឯកទេសក្នុងឧបទ្ទវហេតុកើតឡើងដែលជាបន្ទុករបស់រាជរដ្ឋាភិបាល មានលេខាធិការដ្ឋាន គ.ជ.ប.ភ ជាសេនាធិការ។
