អាមេរិកប្រកាសទណ្ឌកម្មថ្មីលើក្រុមហ៊ុនកូរ៉េខាងជើង និងក្រុមហ៊ុនចិន

ប្រភពពត៌មានពី RT ចេញផ្សាយថ្ងៃទី ២១ ខែ វិច្ឆិកា ឆ្នាំ២០១៧

រដ្ឋាភិបាលក្រុងវ៉ាស៊ីនតោនដាក់ទណ្ឌកម្មដល់ក្រុមហ៊ុនចិនជាច្រើនដើម្បីបង្ខំឲ្យកូរ៉េខាងជើងបោះបង់កម្មវិធីអាវុធនុយក្លេអ៊ែររបស់ខ្លួន។ សហរដ្ឋអាមេរិកចោទប្រកាន់ប្រទេសកូរ៉េខាងជើងចូលរួមដឹកជញ្ជូនប្រេងខុសច្បាប់ទៅសមុទ្រខ្ពស់។ កាលពីថ្ងៃអង្គារការិយាល័យគ្រប់គ្រងទ្រព្យសម្បត្តិបរទេស (OFAC) របស់នាយកដ្ឋានរតនាគារបង្ហាញពីទណ្ឌកម្មចុងក្រោយប្រឆាំងប្រទេសចិន និងកូរ៉េខាងជើង។ គោលដៅរួមសំដៅលើអ្នកជំនួញចិន និងក្រុមហ៊ុននាំចេញទៅទីក្រុងព្យុងយ៉ាង ក្រុមហ៊ុនដឹកជញ្ជូនកូរ៉េខាងជើង និងអង្គការដែលជួយសម្រួលដល់ចលនារបស់កម្មករកូរ៉េខាងជើង។ លោក Steven T. Mnuchin រដ្ឋលេខាធិការក្រសួងហិរញ្ញវត្ថុចេញសេចក្តីថ្លែងការណ៍មួយថាកូរ៉េខាងជើងបន្តគំរាមសន្តិភាព និងសន្តិសុខអន្តរជាតិដូចនេះយើងមានការតាំងចិត្តយ៉ាងមុតមាំចំពោះការដាក់សម្ពាធសេដ្ឋកិច្ចដល់ទីបំផុតឱ្យប្រទេសនេះឯកកោពីពិភពខាងក្រៅនៃពាណិជ្ជកម្ម និងចំណូល។ ការចង្អុលបង្ហាញទាំងនេះរួមមានក្រុមហ៊ុនដែលធ្វើពាណិជ្ជកម្មជាមួយកូរ៉េខាងជើងតម្លៃរាប់រយលានដុល្លារ។ យើងកំពុងដាក់ទណ្ឌកម្មក្រុមហ៊ុនដឹកជញ្ជូន និងនាវាដែលជួយសម្រួលដល់ការធ្វើពាណិជ្ជកម្មរបស់កូរ៉េខាងជើង និងកលល្បិចបញ្ឆោតរបស់ខ្លួន។ ក្រុមហ៊ុនចិនដែលជាគោលដៅការដាក់ទណ្ឌកម្មចុងក្រោយរបស់អាមេរិករួមមានក្រុមហ៊ុន Dandong Kehua Economy & Trade Co., Dandong Xianghe Trading Co.Ltd និងDandong Hongda Trade Co.Ltd (OFAC) និយាយថា “ក្រុមហ៊ុនទាំង៣នេះនាំចេញដែលមានចំនួនទឹកប្រាក់ប្រមាណជា៦៥០លានដុល្លារទៅកូរ៉េខាងជើង ហើយនាំចូលជាង១០០លានដុល្លារពីកូរ៉េខាងជើង”។ សហរដ្ឋអាមេរិកក៏ដាក់ទណ្ឌកម្មលើពាណិជ្ជករជនជាតិចិនលោក Sun Sidong និងក្រុមហ៊ុនរបស់លោកគឺក្រុមហ៊ុន Dandong Dongyuan Industrial Co. ដោយចោទប្រកាន់ថាពួកគេនាំចេញទំនិញដែលមានតម្លៃ២៨លានដុល្លារទៅប្រទេសកូរ៉េខាងជើងអស់រយៈពេលជាច្រើនឆ្នាំរាប់បញ្ចូលទាំងរថយន្ត ម៉ូតូគ្រឿងអគ្គិសនីវត្ថុរុករកវិទ្យុអាលុយមីញ៉ូម ដែក និងវត្ថុដែលភ្ជាប់នឹងនុយក្លេអ៊ែរ។ (OFAC) អះអាងថាក្រុមហ៊ុន Dongyuan មានទំនាក់ទំនងជាមួយក្រុមហ៊ុនអាវុធរបស់កូរ៉េខាងជើងជាការបំផ្លិចបំផ្លាញទ្រង់ទ្រាយធំ។ រដ្ឋបាលដែនសមុទ្រនៃសាធារណរដ្ឋប្រជាមានិតប្រជាធិបតេយ្យកូរ៉េ (DPRK) ក្រសួងដែនដី និងនាវាចរណ៍ និងក្រុមហ៊ុនដឹកជញ្ជូនចំនួន៦ដែលរកឃើញនៅក្នុងតំបន់ឆ្លងកាត់ក្រុងវ៉ាស៊ីនតោន។ រតនាគារចោទប្រកាន់ក្រុងព្យុងយ៉ាងថាចូលរួម “អនុវត្តន៍ការដឹកជញ្ជូនបោកបញ្ជោត” នាវាដឹកទំនិញដែលពាក់ព័ន្ធនឹងការផ្ទេរនាវាទៅនាវាប្រេងដើម្បីគេចពីការដាក់ទណ្ឌកម្ម៕