ប្រភពព័ត៌មានពី RT ចុះផ្សាយថ្ងៃទី ១០ ខែ មករា ឆ្នាំ២០១៨
មេដឹកនាំអង្គភាពសិទ្ធិមនុស្សរបស់អង្គការសហប្រជាជាតិនិយាយនៅថ្ងៃពុធថាកងកម្លាំងរដ្ឋាភិបាលស៊ីរី និងសម្ព័ន្ធមិត្តរបស់ពួកគេសម្លាប់ជនស៊ីវិលយ៉ាងហោចណាស់៨៥នាក់ដោយគិតចាប់តាំងពីថ្ងៃទី៣១ ខែធ្នូក្នុងប្រតិបត្តិការវាយប្រហារប្រឆាំងនឹងក្រុមឧទ្ទាមនៅភាគខាងកើតតំបន់ Ghouta។ តំបន់នោះគឺជាតំបន់ដែលក្រុមឧទ្ទាមកាន់កាប់ធំបំផុតនៅជិតទីក្រុង Damascus ហើយយ៉ាងហោចណាស់ជនស៊ីវិលចំនួន៣៩០,០០០នាក់ត្រូវគេឡោមព័ទ្ធនៅទីនោះអស់រយៈពេល៤ឆ្នាំ។ លោក Zeid Ra’ad al-Hussein ព្រមានថាវាជាគ្រោះមហន្តរាយមនុស្សធម៌៕
