ប្រភពព័ត៌មានពី ChannelNewAsia ចុះផ្សាយថ្ងៃទី ១៤ ខែ មីនា ឆ្នាំ២០១៨
មន្រ្តីនិយាយកាលពីថ្ងៃពុធថាប្រទេសភូមាបានផ្ទៀងផ្ទាត់ជនភៀសខ្លួនមូស្លីមរ៉ូហ៊ីងយ៉ាចំនួន៣៧៤នាក់សម្រាប់ការធ្វើមាតុភូមិនិវត្តន៍ដែលអាចធ្វើទៅបានមកពីប្រទេសបង់ក្លាដេស ហើយបន្ទោសប្រទេសជិតខាងថាមិនផ្តល់ព័ត៌មានត្រឹមត្រូវអំពីជនភៀសខ្លួនទាំងនោះផងដែរ។ ជនភៀសខ្លួនរ៉ូហ៊ីងយ៉ាប្រមាណជា៧០០,០០០នាក់ភៀសខ្លួនពីប្រទេសភូមាបន្ទាប់ពីការវាយប្រហាររបស់ក្រុមសកម្មប្រយុទ្ធកាលពីថ្ងៃទី២៥ ខែសីហាដែលបង្កឱ្យមានការបង្ក្រាបមួយដែលដឹកនាំដោយកងកម្លាំងសន្តិសុខនៅរដ្ឋរ៉ាឃីនភាគខាងលិចដែលអង្គការសហប្រជាជាតិ និងសហរដ្ឋអាមេរិកនិយាយថានេះគឺជាការបោសសម្អាតទៅលើក្រុមជនជាតិភាគតិច។ រដ្ឋបាលរបស់លោកស្រី អ៊ុង សានស៊ូជី ដែលទទួលជ័យលាភីរង្វាន់ណូបែលសន្តិភាពព្យាយាមប្រឆាំងនឹងការចោទប្រកាន់នៅក្នុងទីក្រុងរ៉ាឃីន ហើយប្រទេសភូមាក៏រៀបចំមជ្ឈមណ្ឌលទទួលជនភៀសខ្លួន និងជំរុំសម្រាប់ការវិលត្រឡប់របស់ជនភៀសខ្លួននេះផងដែរ។ ប្រទេសទាំងពីរនេះឈានដល់កិច្ចព្រមព្រៀងមួយនៅក្នុងខែវិច្ឆិកាដើម្បីចាប់ផ្តើមធ្វើមាតុភូមិនិវត្តន៍ក្នុងរយៈពេល២ខែ ប៉ុន្តែការធ្វើមាតុភូមិនិវត្តន៍មិនទាន់ចាប់ផ្តើមនៅឡើយទេដោយសារជនជាតិរ៉ូហ៊ីងយ៉ាគ្មានប្រទេសដែលប្រឈមនឹងការរឹតត្បិតលើចលនារបស់ពួកគេក្នុងប្រទេសភូមាដែលនៅតែជំលោះព្រំដែន។ លោក Myint Thu លេខាអចិន្រ្តៃយ៍ក្រសួងការបរទេសភូមានិយាយថាក្រុមមន្ត្រីពិនិត្យមើលឯកសាររបស់ប្រទេសបង់ក្លាដែសកាលពីខែកុម្ភៈទាក់ទងនឹងជនភៀសខ្លួនចំនួន៨,០៣២នាក់។ ក្នុងចំណោមជនភៀសខ្លួនចំនួន៨,០៣២នាក់ យើងផ្ទៀងផ្ទាត់ត្រឹមត្រូវបានតែចំនួន៣៧៤នាក់ប៉ុណ្ណោះ។ ជនភៀសខ្លួន៣៧៤នាក់នឹងវិលត្រឡប់ជាបណ្តោះអាសន្នចំពោះការធ្វើមាតុភូមិនិវត្តន៍ នេះបើតាមការបញ្ជាក់របស់លោក Myint Thu នៅក្នុងសន្និសីទសារព័ត៌មានមួយនៅរដ្ឋធានី Naypyitaw។ ប៉ុន្តែវានៅមិនទាន់ច្បាស់ទេថាតើមនុស្ស៣៧៤នាក់នេះយល់ព្រមត្រឡប់ទៅប្រទេសភូមាវិញឬយ៉ាងណានោះទេ។ លោកថ្លែងថាប្រទេសភូមាមិនអាចបញ្ជាក់ថាតើជនភៀសខ្លួនដែលនៅសេសសល់ពីមុនរស់នៅក្នុងប្រទេសនេះទេ ព្រោះឯកសារមួយចំនួនមិនបានបញ្ចូលស្នាមម្រាមដៃ និងរូបថតបុគ្គលទេ។ លោកឧត្តមសេនីយ៍ វិន ថុន និយាយនៅក្នុងសន្និសីទសារព័ត៌មានមួយថាឯកសារទាំងនោះ “មិនស្របតាមកិច្ចព្រមព្រៀងរបស់យើងទេ”។ លោក វិន ថុន បន្ថែមថាប្រទេសភូមារកឃើញភេរវករ៣នាក់ក្នុងចំណោមប្រជាជនបង់ក្លាដែសដែលកំពុងស្នើសុំធ្វើមាតុភូមិនិវត្តន៍។ ក្រុមមន្រ្តីប្រទេសបង់ក្លាដេសសម្តែងនូវការសង្ស័យអំពីឆន្ទៈរបស់ប្រទេសភូមាក្នុងការយកជនភៀសខ្លួនជនជាតិរ៉ូហ៊ីងយ៉ាត្រឡប់មកវិញ។ លោក Abul Kalam ស្នងការជួយសង្រ្គោះជនភៀសខ្លួន និងស្តារនីតិសម្បទាបង់ក្លាដែសនិយាយថាលោកមិនអាចធ្វើសេចក្តីអត្ថាធិប្បាយលម្អិតទេពីព្រោះលោកមិនទាន់ទទួលបានការឆ្លើយតបរបស់ប្រទេសភូមា។ ប៉ុន្តែគាត់ចោទសួរថា តើមានមនុស្សជាង៣០០នាក់អាចត្រូវផ្ទៀងផ្ទាត់ប្រសិនបើឯកសារទាំងនោះមានទ្រង់ទ្រាយមិនត្រឹមត្រូវនោះ។ នៅក្នុងសន្និសីទសារព័ត៌មាននៅទីក្រុង Naypyitaw មន្ត្រីយោធាភូមាព្យាយាមប្រឆាំងនឹងការចោទប្រកាន់ដែលលើកឡើងនៅក្រុមប្រឹក្សាសិទ្ធិមនុស្សរបស់អង្គការសហប្រជាជាតិនៅសប្តាហ៍នេះ។ ប្រមុខនៃបេសកកម្មស្វែងរកការពិតរបស់អង្គការសហប្រជាជាតិបដិសេធទិដ្ឋាការរបស់ប្រទេសភូមា និងប្រេសិតពិសេសស្តីពីសិទ្ធិមនុស្សនៅក្នុងប្រទេសភូមាដែលត្រូវរារាំងពីការធ្វើទស្សនកិច្ចប្រទេសទាំង២នេះ។ លោក Yanghee Lee ដែលជាបេសកជននិយាយថាអំពើឃោរឃៅប្រឆាំងនឹងជនជាតិរ៉ូហ៊ីងយ៉ានៅប្រទេសភូមា “គឺសំខាន់ក្នុងអំពើប្រល័យពូជសាសន៍”៕
