ក្រុមអាល់កៃដានៅប្រទេសស៊ីរីកំពុងត្រូវបំផ្លាញ ប៉ុន្តែនៅតែជាកង្វររបស់យើង

ប្រភពព័ត៌មានពី RT​ ចេញផ្សាយថ្ងៃទី១៩ ខែមិថុនា ឆ្នាំ២០១៨

អតីតសមាជិកសភានិងអ្នកនយោបាយសេរីនិយមលោក Ron Paul ជឿថាមន្ទីរបញ្ចកោណមិនបានធ្វើអ្វីទាំងអស់ដើម្បីប្រយុទ្ធប្រឆាំងនឹងក្រុមអាល់កៃដានៅក្នុងប្រទេសស៊ីរី ហើយនៅតែបន្តរិះគន់ទីក្រុងដាម៉ាស និងទីក្រុងម៉ូស្គូក្នុងការប្រយុទ្ធប្រឆាំងភេរវជននៅក្នុងតំបន់។

លោក Paul និយាយនៅក្នុងកម្មវិធីកិច្ចពិភាក្សារបស់គាត់កាលពីថ្ងៃអង្គារថា “ភាពលាក់លៀមការពិតសម្រាប់ភាពយុត្តិធម៌ យើងព្យាយាមប្រយុទ្ធប្រឆាំងការពាររដ្ឋធម្មនុញ្ញរបស់យើង សេរីភាពរបស់យើង និងកម្ចាត់ក្រុមអាល់កៃដា និងក្រុម Daesh (ISIS/ISIL) ពីព្រោះក្រុមនេះគឺជាការគំរាមកំហែង។ ប៉ុន្តែមិនមានភ័ស្តុតាងបង្ហាញថាយើងបានធ្វើអ្វីទេ ទោះក្រុមអាល់កៃដាកំពុងត្រូវបំផ្លាញ ប៉ុន្តែវានៅតែជាកង្វរសម្រាប់យើង។ ប្រទេសរុស្ស៊ី និងស៊ីរី បានទៅដល់ចំណុចមួយដែលយើងទើបតែត្រៀមខ្លួនកម្ចាត់ក្រុមអាល់កៃដា “។

អតីតសមាជិកសភាអាមេរិក ដែលបច្ចុប្បន្នដឹកនាំ វិទ្យាស្ថាន Ron Paul Institute of Peace and Prosperity កត់សម្គាល់ថា មានភាពខុសគ្នាយ៉ាងធំធេងរវាងប្រទេសរុស្ស៊ី និងកងកម្លាំងចម្រុះដឹកនាំដោយសហរដ្ឋអាមេរិកដែលកំពុងប្រតិបត្តិការនៅក្នុងប្រទេសស៊ីរី។ “ទីមួយរដ្ឋាភិបាលយើងមិនមានវត្តមាននៅទីនោះទេ។ រឿងមួយទៀតគឺ ប្រទេសស៊ីរីមានចម្ងាយ ៦.០០០ ម៉ាយពីប្រទេសយើង ហើយគ្មានការគំរាមកំហែងដល់សន្តិសុខ រដ្ឋធម្មនុញ្ញ ឬសេរីភាពរបស់យើងទេ។ លោក Paul ពន្យល់ថា យើងមិនបានចូលរួមនៅទីនោះទេ មិនដូចប្រទេសលោកខាងលិច និងយោធាទីក្រុងមូស៉្គូចូលរួមឆ្នាំ២០១៥ ទទួលបានការដាក់ទណ្ឌកម្មជាផ្លូវការដោយរដ្ឋាភិបាលស៊ីរី។

លោក Ron Paul កត់សម្គាល់ដូចច្នេះ បន្ទាប់ពីមន្រ្តីប្រទេសស៊ីរីរាយការណ៍ពីការវាយប្រហារតាមអាកាសនៅភាគខាងកើតប្រទេស ដែលទីក្រុងដាម៉ាស់ស្តីបន្ទោសទៅលើសហរដ្ឋអាមេរិក។ ការវាយប្រហារនេះចោទប្រកាន់បណ្តាលឱ្យមនុស្សចំនួន៥២នាក់ស្លាប់ ភាគច្រើនជាកងទ័ពអ៊ីរ៉ាក់ និងកងជីវពលគាំទ្រលោកអាសាដ។ មន្ទីរបញ្ចកោណបដិសេធមិនបានជាប់ពាក់ព័ន្ធក្នុងរឿងនេះ។