មជ្ឈមណ្ឌលវិទ្យាសាស្ត្រសុខាភិបាលនៃសាកលវិទ្យាល័យ New Mexico (UNM Health Sciences Center) បានប្រកាសពីការរងការវាយប្រហារតាមប្រព័ន្ធអ៊ីនធឺណិត (Cyberattack) ដែលបណ្តាលឱ្យប្រព័ន្ធកុំព្យូទ័រមួយចំនួនដាច់ដំណើរការ និងរំខានដល់សេវាថែទាំអ្នកជំងឺ ព្រមទាំងសកម្មភាពសិក្សា។ ជាវិធានការបន្ទាន់ ស្ថាប័នបានដាក់កម្រិតការទទួលអ្នកជំងឺថ្មី បង្វែររថយន្តសង្គ្រោះបន្ទាន់ និងផ្អាកការវះកាត់អ្នកជំងឺក្រៅជាបណ្តោះអាសន្ន។ ទោះបីជាសាកលវិទ្យាល័យមិនបានបញ្ជាក់ជាផ្លូវការអំពីប្រភេទនៃការវាយប្រហារក៏ដោយ ក៏គេហទំព័រ BleepingComputer បានរកឃើញថា ក្រុមមេរោគជំរិតទិន្នន័យថ្មីមួយឈ្មោះថា «Byod» បានអះអាងថាខ្លួនជាអ្នកនៅពីក្រោយហេតុការណ៍នេះ។ ក្រុមជនល្មើសបានអះអាងថា ខ្លួនបានលួចចូលគ្រប់គ្រងប្រព័ន្ធរាប់ម៉ឺន...