ភ្នំពេញ៖ នៅវេលាម៉ោង ០៩:០០ នាទី ព្រឹកថ្ងៃទី២៣ ខែឧសភា ឆ្នាំ២០១៥ នេះ នាយកដ្ឋាននាយកដ្ឋានព័ត៌មានបច្ចេកវិទ្យា នៃលេខាធិការដ្ឋានគណៈកម្មាធិការជាតិប្រឆាំងភេរវកម្ម បានបើកកិច្ចប្រជុំផ្ទៃក្នុង ប្រចាំខែឧសភា ឆ្នាំ២០១៥ របស់ខ្លួន ដឹកនាំដោយ លោក ប៉ិល ច័ន្ទវីរៈ ប្រធាននាយកដ្ឋាន និងមានការចូលរួមពីអស់លោក-លោកស្រី ជាប្រធាន-អនុប្រធានការិយាល័យ, មន្រ្តី បុគ្គលិក ជាច្រើនរូបផងដែរ ។
ថ្លែងបើកកិច្ចប្រជុំនេះ លោកប្រធាននាយកដ្ឋាន បានមានប្រសាសន៍លើកទឹកចិត្តដល់មន្រ្តី បុគ្គលិកក្រោមឱវាទទាំងអស់ឲ្យបន្តអនុវត្តការងារឲ្យបានកាន់តែសកម្មជាងមុនថែមទៀត ។ បន្ទាប់ពីបានស្តាប់របាយការណ៍លទ្ធផលការងារតាមការិយាល័យនិមួយៗរួចមក លោកប្រធាននាយកដ្ឋានក៏បានស្នើឲ្យគ្រប់ការិយាល័យ ត្រូវពង្រឹងសមត្ថភាពមន្រ្តីតាមរយៈការបណ្តុះបណ្តាលជំនាញគ្នាទៅវិញទៅមក ។ លោកប្រធាននាយកដ្ឋាន បានគូសបញ្ជាក់ថា នៅក្នុងខែសីហា ឆ្នាំ២០១៥ ខាងមុខនេះ នាយកដ្ឋានព័ត៌មានបច្ចកវិទ្យា និងត្រៀមបើកវគ្គបណ្តុះបណ្តាល លើជំនាញសរសេរព័ត៌មាន និងជំនាញថតរូប កំរិត២ ក្នុងគោលបំណងលើកកម្ពស់សមត្ថភាពមន្រ្តីផ្ទៃក្នុងឲ្យកាន់តែប្រសើរឡើងថែមទៀត ។
កិច្ចប្រជុំបានបញ្ចប់ទៅនៅវេលាម៉ោង ១១ និង០០នាទីព្រឹក ក្រោមបរិយាកាសរីករាយ និងទទួលខុសត្រូវខ្ពស់ ៕
