ប្រភពព័ត៌មាន BBC ចេញផ្សាយថ្ងៃទី ២៤ ខែ សីហា ឆ្នាំ ២០១៥ :
ប្រទេសជប៉ុន : ការឆេះដ៍សន្ធោសន្ធៅបានកើតឡើងចេញពីរោងចក្រផលិតដែកមួយកន្លែងនៅក្បែរព្រលានយន្តហោះ Haneda ភាគខាងត្បូងនៃទីក្រុងតូក្យូ (Tokyo) ប្រទេសជប៉ុន(Japan)។ មន្រ្តីប្រទេសជប៉ុនបានអោយដឹងថាមិនទាន់មានរបាយការណ៍អំពីការរងរបួសនោះទេ ។
មន្ត្រីពន្លត់អគ្គីភ័យម្នាក់ប្រាប់សារព័ត៌មាន AFP ថាអគ្គិភ័យបានចាប់ផ្តើមឆាបឆេះចេញពីប៉មបញ្ជេញកំដៅមួយដែលមានកម្ពស់ ២ម៉ែត្រ(៦.៧ហ្វីត) ពីរោងចក្រដែលជាកម្មសិទ្ធិរបស់អង្គភាពផលិតដែក Nippon។ ព្រលានយន្តហោះ Haneda គឺមានចម្ងាយប្រហែលជា ២៥ គីឡូម៉ែត្រ (១៥.៥ ម៉ាយ) ពីទីក្រុងតូក្យូ (Toyko)។ រោងចក្រផលិតដែកនេះមានទីតាំងស្ថិតនៅក្នុងទីក្រុង កាវ៉ាសាគី (Kawasaki) ដែលនៅជិតព្រលានយន្តហោះ។ អ្នកដំណើរនៅព្រលានយន្តហោះក៏បានផ្តិតយករូបភាពនិងបង្ហោះនៅលើប្រព័ន្ធផ្សព្វផ្សាយ និងបណ្តាញសង្គមភ្លាមៗអំពីការឆាបឆេះនេះផងដែរ។ ប្រព័ន្ធផ្សព្វផ្សាយរបស់ទូរទស្សន៍ NHK បាននិយាយថាគ្មានការប៉ះពាល់ដល់ដំណើរការនៅព្រលានយន្តហោះនោះទេ។ វាជាការឆាបឆេះដ៏ធំជាលើកទីពីរហើយនៅក្នុងប្រទេសជប៉ុនកាលពីព្រឹកមិញនេះ បន្ទាប់ពីមានការឆាបឆេះនៅមូលដ្ឋានយោធាអាមេរិកនៅទីក្រុង Sagamihara ដែលត្រូវបានពន្លត់នោះ។
