យោធា​សហរដ្ឋ​អាមេរិក​ស្នើ​បំពាក់​អាវុធ​ដល់​ពួក​ឧទ្ទាម​ស៊ីរី​ប្រឆាំង​នឹង​ក្រុម​ ​ISIS

0

ប្រភពព័ត៌មាន CNN ចេញផ្សាយថ្ងៃទី ២២ ខែ​ កញ្ញា ឆ្នាំ ២០១៥ :

(CNN)៖ មេ​បញ្ជាការ​​យោធា​​សហរដ្ឋ​អាមេរិក​​បាន​​ស្នើ​​នូវ​កម្មវិធី​​ផ្តល់​អាវុធ​យុទ្ធភណ្ឌ​ដល់​ពួក​ឧទ្ទាម​ស៊ីរី​ប្រឆាំង​នឹង​ក្រុម​ ISIS​ ដែល​មាន​ចំនួន​យោធា​ឡើង​ដល់​ ៥០០០​នាក់ និង​កំពុង​ប្រតិបត្តិការ​នៅភាគ​ខាងជើង​ប្រទេស​ស៊ីរី​។​ ក្រុម​ដែល​ត្រូវ​បាន​គេចាត់​ទុកថា​ជាសម្ព័ន្ធ​ស៊ីរី​អារ៉ាប់​បានទទួល​ជោគជ័យ​លើ​សមរភូមិ​ប្រឆាំង​នឹង​ក្រុម​ ​ISIS​ ក្នុង​សប្តាហ៍​​កន្លង​ទៅនេះ​ ​ស្រប​ពេល​ដែល​សហរដ្ឋអាមេរិក​កំពុងជួបការ​លំបាកក្នុង​ការស្វែងរកកម្មវិធី​ដើម្បីបណ្តុះបណ្តាល​ពួកឧទ្ទាមស៊ីរី​ផ្សេង​ទៀត​​និង​បញ្ជូន​ពួកគេ​ទៅកាន់​សមរភូមិនោះ​។​

មេបញ្ជាការ​យោធា​សហរដ្ឋ​អាមេរិក​មាន​អារម្មណ៍​ថា​ ​ការ​គាំទ្រ​ចំពោះ​ក្រុម​ចម្រុះ​នេះ​មាន​សារៈសំខាន់​ខ្លាំង​ក្នុង​ការ​ទទួល​​បាន​ជោគ​ជ័យ​នៅ​លើ​សមរភូមិ​ភាគ​ខាងជើង​ប្រទេស​ស៊ីរី​ ​នេះ​បើ​យោង​តាម​មន្ត្រី​សហរដ្ឋអាមេរិក​ម្នាក់​ដែល​មិន​ត្រូវ​បាន​​​អនុញ្ញាត​​ឱ្យ​និយាយ​ជា​សាធារណៈ​អំពី​ប្រតិ​បត្តិការ​យោធា​នេះ​។​

រុស្ស៊ីបង្ហោះយន្តហោះគ្មានមនុស្សបើកក្នុងប្រទេសស៊ីរី

មន្រ្តី​យោធា​បាន​អោយដឹងថា​ក្រុម​ចម្រុះ​នេះ​កំពុង​តែខ្វះ​ខាត​គ្រឿង​សព្វាវុធ​និង​គ្រាប់​រំសេវ​។​​ ​មេបញ្ជាការ​សហរដ្ឋ​អាមេរិក​​នឹង​រៀបចំ​ផ្តល់អោយ​បានឆាប់​តាមដែល​អាចធ្វើ​ទៅបាន​។​ ​ទោះជា​យ៉ាងណា​ក៏ដោយ​ការសម្រេចចិត្ត​ក្នុងការ​ផ្តល់នូវ​រំសេវ​ និង​អាវុធ​​អាច​ធ្វើ​​ទៅ​បាន​លុះ​​ត្រា​តែ​មាន​ការ​យល់ព្រម​ពីសេត​វិមាន​ ​ដែល​មន្រ្តី​យោធា​បាន​និយាយថា​មិនទាន់​មានការ​យល់​ព្រម​​នៅ​ឡើយទេ​។​ ​​​ជា​លើក​ដំបូង​ហើយ​ ដែល​ក្រុមចម្រុះ​នេះ​ត្រូវបាន​គេរៀបរាប់​ជាសាធារណៈ​ថា​ជា ​”សម្ព័ន្ធ​ស៊ីរី​អារ៉ាប់​”​ ​ដោយ​មន្ត្រី​ជាន់ខ្ពស់ម្នាក់​ក្នុងមន្ទីរ​បញ្ចកោណ​ ​ដែលពិភាក្សា​អំពី​បេសកកម្ម​ហ្វឹកហាត់​នឹងបំពាក់​សម្រាប់ក្រុម​ប្រឆាំងស៊ីរី​ក្នុង​ពេល​​ផ្តល់​សក្ខី​កម្ម​នៅ​ ​Capitol​ ​Hill​។​

លោក​ណេតាន់​យ៉ាហ៊ូ​ ​៖​ ​ទស្សនកិច្ច​លោក​ពូទីន​​ ​​ពិភាក្សា​អំពី​ក្តី​បារម្ភ​ដែល​រុស្ស៊ី​មាន​​ការ​ជាប់​ពាក់​​ព័ន្ឋ​​នៅ​ក្នុង​ប្រទេស​ស៊ីរី​

អ្នក​ស្រី​Christine​ Wormuth​ អនុរដ្ឋ​លេខាធិការ​នយោបាយ​នៅក្រសួង​ការពារជាតិ​បានថ្លែង​ប្រាប់​គណៈ​កម្មាធិការ​​សេវា​​ប្រដាប់​​អាវុធ​​​អំពី​​កម្មវិធី​ហ្វឹកហាត់​និង​បំពាក់ថា​ ​“កម្លាំង​ដែល​យើងកំពុង​បណ្តុះបណ្តាល​” ​ឥឡូវ​នេះ​ “មាន​ចំនួន​តិច​ណាស់​ដែល​​មិនទាន់​ឈានដល់​ចំនួន​ដែលយើង​បានគ្រោង​ទុកនៅ​ឡើយទេ​”​។​ ប៉ុន្តែ​លោកស្រី​បានបន្ថែម​ទៀតថា​ពួកគេ​​​ ​“​កំពុង​តែ​​ទទួល​​បាន​ការបណ្តុះ​បណ្តាល​ដ៏អស្ចារ្យ​ជាមួយ​និងឧបករណ៍ល្អៗ​ដូចនេះ​វានឹងអាច​ជាគុណ​កម្លាំង​និងប្រសិទ្ឋិភាព​សំរាប់​​ក្រុម​ផ្សេង​ទៀត​ដូច​ជាសម្ព័ន្ធ​ស៊ីរី​ ​អារ៉ាប់​អញ្ជឹង​ដែរ​”​។​

យុទ្ធជនរាប់សិបនាក់ដែលបានទទួលការបណ្តុះបណ្តាលដោយក្រុមចម្រុះដែលដឹកនាំដោយសហរដ្ឋអាមេរិកបានរាយការណ៍ថាបានចូលទៅក្នុងប្រទេសស៊ីរី

មិន​ទាន់​មាន​ព័ត៌មាន​ច្បាស់លាស់​នៅ​ឡើយ​ទេ​ថា​ ​បើ​ពួក​ឧទ្ទាម​ដែល​បណ្តុះ​បណ្តាល​ដោយ​សហរដ្ឋ​អាមេរិក​នឹង​​ត្រូវ​ទទួល​​យក​​ដោយ​សមាជិក​នៃ​សម្ព័ន្ធ​ស៊ីរី​អារ៉ាប់​នោះ​ដែលត្រូវ​បាន​បង្កើត​ឡើង​ដោយ​កុល​សម្ព័ន្ធ​និងក្រុម​ជនជាតិ​ភាគតិច​ផ្សេង​គ្នា​​ចំនួន​ ​១៥​ ​និងថាតើពួកឧទ្ទាមដែលបណ្តុះ​បណ្តាល​ដោយ​​សហរដ្ឋ​អាមេរិក​នោះនឹង​អាចធ្វើការ​ជាមួយ​ពួកគេ​​ដោយ​ផ្ទាល់​​ឬ​យ៉ាង​ណា​។​

មន្ត្រី​សហរដ្ឋ​អាមេរិក​បាន​និយាយ​ថា​ ​សម្ព័ន្ធ​ក្រុម​អ្នក​ប្រយុទ្ធ​ស៊ីរី​អារ៉ាប់​កំពុង​ធ្វើការ​យ៉ាង​ជិត​ដិត​ជាមួយ​កង​កម្លាំង​ឃើដ​ ​​​​            ​( Kurdish​ ​YPG​ ​)​ ​ដែលពួ​ក​គេធា្លប់​បាន​ទទួល​ជោគជ័យ​នៅក្នុង​សមរភូមិ​ប្រយុទ្ធ​ប្រឆាំង​នឹងក្រុម​ ​ISIS​ នៅ​ភាគ​​ខាង​ជើង​ប្រទេស​ស៊ីរី​ ៕

Failure of Siri plan