Home ព័ត៌មានអន្តរជាតិ ប្រទេសអ៊ីស្រា...

ប្រទេសអ៊ីស្រាអែលបាញ់ទម្លាក់យន្តហោះគ្មានមនុស្សបើកប្រទេសស៊ីរ៉ី

7
SHARE

ប្រភពព័ត៌មានពី Reuters ចេញផ្សាយថ្ងៃទី១១ ខែកក្កដា ឆ្នាំ២០១៨

អ្នកនាំពាក្យក្រសួងការពារជាតិអ៊ីស្រាអែល​លោក Jonathan Conricus ប្រាប់ក្រុម​អ្នក​យក​ព័ត៌មានបរទេសក្នុងសន្និសីទតាមទូរស័ព្ទថា មុនពេលបាញ់ទម្លាក់យន្តហោះគ្មានមនុស្សបើកនៅតំបន់ Golan Heights ប្រទេសអ៊ីស្រាអែលធានាថា យន្តហោះគ្មានមនុស្សបើកជាកម្មសិទ្ធិប្រទេសរុស្ស៊ី និងមិនមែនជារបស់ប្រទេសស៊ីរីទេ។

លោក Conricus និយាយថា ​ប្រព័ន្ធការពារអ៊ីស្រាអែលចាប់បានយន្តហោះនេះ ក្រោយពីចូលទៅក្នុងតំបន់គ្មានយោធា Golan Heights តាមបណ្តោយបន្ទាត់រវាងប្រទេសស៊ីរី និងអ៊ីស្រាអែល។ យន្តហោះនេះមានកម្ពស់១០ គីឡូម៉ែត្រពីលើដែនដីអ៊ីស្រាអែល ហើយ​ត្រូវប្រព័ន្ធការពារបាញ់ទម្លាក់នៅភាគខាងត្បូងនៃបឹង Kinneret ប្រទេសអ៊ីស្រាអែល។

លោកបន្ថែមថា មុននេះយន្តហោះគ្មានបើកបញ្ជាហោះចូលលំហអាកាសប្រទេសហ្ស៊ូដង់។ មន្ត្រីកងទ័ពកត់ សម្គាល់ថា គេមិនទាន់ទទួលព័ត៌មានច្បាស់ពីហេតុអ្វីយន្តហោះឆ្លងកាត់ព្រំដែនអ៊ីស្រាអែលនោះទេ។ ប្រភពដដែលបន្តថា អ្នកប្រយុទ្ធ៤នាក់ និងឧទ្ធម្ភាគចក្រចំនួន២គ្រឿងត្រូវបញ្ជូនដើម្បីស្ទាក់ចាប់វា។

ប្រទេសស៊ីរីបាត់បង់ការកាន់កាប់ទឹកដីតំបន់ Golan Heights ទៅឲ្យប្រទេសអ៊ីស្រាអែល អំឡុងសង្គ្រាម៦ថ្ងៃ នៅឆ្នាំ១៩៦៧ ។ នៅឆ្នាំ១៩៨១ សភាអ៊ីស្រាអែលអនុម័តច្បាប់ចំពោះតំបន់ Golan Heights ដោយប្រកាសឯកតោភាគីនូវអធិបតេយ្យភាពរបស់ប្រទេសអ៊ីស្រាអែលលើទឹកដីនេះ។