ប្រភពព័ត៌មានពី TASS ចេញផ្សាយថ្ងៃទី១៣ ខែកញ្ញា ឆ្នាំ២០១៨
សារព័ត៌មានក្រុមប្រឹក្សាអឺរ៉ុបរាយការណ៍នៅថ្ងៃព្រហស្បតិ៍ថា សហភាពអឺរ៉ុបពន្យាពេលការ ដាក់ទណ្ឌកម្មប្រឆាំងនឹងប្រទេសរុស្ស៊ីដែលនឹងផុតកំណត់នៅថ្ងៃទី ១៥ ខែកញ្ញា ដោយបន្តរយៈពេល ០៦ ខែទៀត។ ប្រភពបន្តថា ក្រុមប្រឹក្សាពន្យារពេលចាត់វិធានការរឹតបន្តឹងលើសកម្មភាពដែលគំរាមកំហែងដល់បូរណភាពទឹកដីអធិបតេយ្យភាពនិងឯករាជ្យភាពរបស់អ៊ុយក្រែនអស់រយៈពេល ០៦ ខែទៀតរហូតដល់ថ្ងៃទី ១៥ ខែមីនាឆ្នាំ ២០១៩ ។
ទណ្ឌកម្មអនុវត្តចំពោះមនុស្ស ១៥៥ នាក់ និងអង្គភាពចំនួន ៤៤ អង្គភាព ។ ឯកសារនេះបញ្ជាក់ ថា ទង្វើស្របច្បាប់ត្រូវក្រុមប្រឹក្សាអនុម័តដោយមាននីតិវិធីសរសេរ។ ឯកសារទាំងនោះនឹងមានក្នុងសារលិខិតផ្លូវការរបស់សហភាពអឺរ៉ុបថ្ងៃទី១៤ ខែកញ្ញាឆ្នាំ២០១៨ ។ តំណាងអចិន្ត្រៃយ៍សម្រាប់ប្រទេសចំនួន២៨នៃសហភាពអឺរ៉ុបសម្រេចចិត្តពន្យារពេលការដាក់ទណ្ឌកម្មប្រឆាំងប្រទេសនឹង រុស្ស៊ីនៅថ្ងៃទី០៥ ខែកញ្ញា។
កញ្ចប់ទណ្ឌកម្មជាច្រើនរបស់សហភាពអឺរ៉ុបកំពុងមានប្រតិបត្តិការដើម្បីប្រឆាំងនឹងប្រទេសរុស្ស៊ី។ ការដាក់ទណ្ឌកម្មសេដ្ឋកិច្ចជាវិធានការតឹងរឹង និងរឹតត្បិតលើបញ្ហានៅតំបន់ Crimean។ ចុងក្រោយគឺជាកញ្ចប់នៃការដាក់ទណ្ឌកម្មមានគោលបំណងប្រឆាំងនៅតំបន់ Crimea រួមជាមួយ ក្រុមហ៊ុនអាជីវកម្មអឺរ៉ុបត្រូវគេហាមឃាត់មិនឱ្យមានការរក្សាទំនាក់ទំនងណាមួយ។ វិធានការណ៍ជាក់លាក់នឹងមានដំណើរការរហូតដល់ថ្ងៃទី៣១ ខែមករា ឆ្នាំ ២០១៩ និងអាចត្រូវគេអូសបន្លាយ ពេល។
