ប្រភពព័ត៌មានពី RT ចេញផ្សាយថ្ងៃទី១២ ខែតុលា ឆ្នាំ២០១៨
ប្រធានាធិបតីតួគី Recep Tayyip Erdogan ស្នើឱ្យកងកម្លាំងទីក្រុងអង់ការ៉ាអាចនឹងធ្វើប្រតិបត្តិការថ្មីមួយទៀតឆ្លងកាត់ព្រំដែនចូលទៅភាគខាងជើងប្រទេសស៊ីរីក្នុងតំបន់កាន់កាប់ដោយក្រុមយុទ្ធជនឃឺដស៊ីរី។
សារព័ត៌មាន AP ចេញផ្សាយសេចក្តីថ្លែងការណ៍របស់លោក Erdogan ដែលកំពុងបន្តការគំរាមកំហែងមួយដើម្បីពង្រីកប្រតិបត្តិការយោធាតួកគីទៅតំបន់ភាគខាងកើតនៃទន្លេ Euphrates ដែលជាតំបន់ឃឺដកាន់កាប់គាំទ្រដោយអាមេរិក។ ទីក្រុងអង់ការ៉ាចាត់ទុកកងជីវពលឃឺដស៊ីរីជាអង្គការភេរវជន និងជាក្រុមបះបោរក្នុងប្រទេសតួកគី។
មេដឹកនាំតួគីមានប្រសាសន៍នៅថ្ងៃសុក្រថា លោកនឹងធ្វើឱ្យសំបុកភេរវកម្មនៅភាគខាងកើតនៃទន្លេ Euphrates មានភាពច្របូកច្របល់។ ប្រទេសតួកគីចាប់ផ្តើមធ្វើការលុកលុយចូលប្រទេសស៊ីរីនៅឆ្នាំ២០១៦ និងឆ្នាំ២០១៨ ទៅកាន់តំបន់ភាគខាងលិចនៃទន្លេ Euphrates ដោយជំរុញឱ្យក្រុមសកម្មប្រយុទ្ធអ៊ីស្លាម (អ៊ីស្លាម ISIS) និងយុទ្ធជនឃើដស៊ីរីចេញពីតំបន់ព្រំដែន។
